چیف جسٹس اپنے اختیارات سے دستبردار

    عدالتی تاریخ کا ایک اور اہم دن ، سپریم کورٹ فل کورٹ نے پریکٹس اینڈ پروسیجر ایکٹ  کو برقرار رکھتے ہوئے ایکٹ کے خلاف تمام  درخواستیں مستر...

 

 

عدالتی تاریخ کا ایک اور اہم دن ، سپریم کورٹ فل کورٹ نے پریکٹس اینڈ پروسیجر ایکٹ  کو برقرار رکھتے ہوئے ایکٹ کے خلاف تمام  درخواستیں مسترد کردیں۔تفصیلات کچھ یوں رہیں کہ اٹارنی جنرل عثمان منصور کے دلائل مکمل ہونے کے بعد سپریم کورٹ کے فل کورٹ نے پریکٹس اینڈ پروسیجر ایکٹ کے خلاف درخواست پر فیصلہ محفوظ کیا تھا۔بعدازاں  چیف جسٹس قاضی فائز عیسیٰ نے فیصلہ سناتے ہوئے کہا کہ تاخیر کے لیے معذرت چاہتے ہیں کہ معاملہ بہت تکنیکی تھا، پہلے آج کا حکم نامہ پڑھ کر سناؤں گا۔ چیف جسٹس کے مطابق فیصلے میں کہا گیا ہے کہ  5-10 کے تناسب سے سپریم کورٹ پریکٹس اینڈ پروسیجر ایکٹ کو برقرار رکھا جاتا ہے۔جسٹس اعجازالاحسن، جسٹس منیب اختر، جسٹس عائشہ ملک، جسٹس مظاہر نقوی اور جسٹس شاہد وحید نے ایکٹ کی مخالفت کی جبکہ باقی ججز نے ایکٹ کے حق میں فیصلہ دیا اور سپریم کورٹ پریکٹس اینڈ پروسیجر ایکٹ کے خلاف درخواستیں مسترد کردیں۔